Bakının 12 rayonunda komissiya üzvləri və mütəxəssislərlə birgə qəzalı binalara baxış keçirilib. Bu haqda 17 oktyabr tarixində BAKU.WS məlumat verib.
Fövqəladə Hallar Nazirliyinin mütəxəssisləri, memar və tikinti mütəxəssisləri rayonlar üzrə məlumatlar toplayıb və Bakı şəhər İcra Hakimiyyətində fəaliyyət göstərən komissiyaya təqdim ediblər.
Belə ki, yaxın günlərdə Nərimanov rayonu ərazisində Fətəlixan Xoyski, 212 və 214 ünvanlarında yerləşən binaların sökülməsinə qərar açıqlanacaq.
Binalar 1956-cı ildə Bakı Şin zavodunun yataqxanası kimi tikilib. Yataqxanada yaşayan sakinlərə binaların sökülməsi zamanı iki variant təklif olunacaq. Onlar ya 1500 AZN kompensasiya alacaqlar, ya da sökülən yataqxananın yerində tikiləcək hündürmərtəbəli binadan mənzil əldə edəcəklər.
