Nəsimi rayonu, H.Seyidzadə küçəsi, 18 saylı binada təmir işləri start götürüb. Bu haqda BakuPlus.az Nəsimi Rayon İcra Hakimiyyətinin mətbuat xidmətinə istinadən bu gün, 2 noyabr tarixində xəbər verir.
Bundan əlavə, rayon ərazisində küçə və parkların, məhəllə və binaların abadlaşdırılması, həyətlərin yenidən qurulması, yeni infrastrukturların yaradılması, yaşıllıqların salınması işləri uğurla davam etdirilir.
Eyni zamanda Asif Məhərrəmov, 33 ünvanında binanın fasadında və giriş pilləkənlərində əsaslı təmir işlərinə başlanılıb. Binanın giriş qapısı və pəncərələrinin yeniləri ilə əvəz olunması, yağış sularını axıdan boru və navalçaların dəyişdirilməsi, dam örtüyünün əsaslı təmiri işləri də nəzərdə tutulub.
