Nəsimi rayonu, Asif Məhərrəmov, 33 ünvanında yenidənqurma və abadlıq işlərinə başlanılıb. Bu haqda 17 oktyabr tarixində Bakuplus.az Nəsimi RİH-yə istinadən xəbər verir.
Belə ki, 33 saylı binanın həyətində istinad divarlarının bərpası, çəpərə alınmış sahələrin açılması, kök üstdə qurumuş və təhlükəli vəziyyətdə olan ağacların budanması işləri nəzərdə tutulub.
Eyni zamanda binanın qapı və pəncərələrinin yeniləri ilə əvəz olunması, yağış sularını axıdan boru və navalçaların dəyişdirilməsi, dam örtüyünün əsaslı təmiri, həyətə bordür və tamet daşlarının vurulması işləri də planlaşdırılıb.
Həmçinin sakinlərin asudə vaxtlarının səmərəli təşkili üçün söhbətgah, oturacaqlar və müxtəlif növ uşaq-oyun elementlərinin quraşdırılması işləri də nəzərdə tutulub.
[caption id="attachment_75071" align="alignnone" width="640"]
Foto Nəsimi Rayon İcra Hakimiyyətinin rəsmi saytı[/caption]
