Bakıda "Nargis” Fondunun təşkilatçılığı ilə “YayLand Fest” xeyriyyə yarmarkası keçiriləcək. Bu haqda bu gün, 21 fevral tarixində Bakuplus.az məlumat verir.
Yarmarka 1 may - 15 iyun tarixlərində Fəvvarələr meydanında baş tutacaq. İştirak etmək istəyən şirkətlər və qurumlar üçün qeydiyyat artıq başlayıb.
Əlavə məlumat üçün əlaqə nömrələri: +(994 12) 404 23 03, 404 23 13.
Daha öncə, “Nargis” Fondu dəfələrlə Yeni il münasibətilə “Soyuq Əllər, İsti Ürək” və Novruz bayramı ərəfəsində “Torpaq Əlimdə, Bahar Ürəyimdə” xeyriyyə yarmarkalarını təşkil edib. Yanvarda yekunlaşan yarmarka zamanı toplanan 864.870 manat ağır xəstəliklərdən əziyyət çəkən uşaqların müalicə və əməliyyatları üçün xərclənib.
