Bakıda 11 yaşlı uşaq "patı" istifadə edir. Bu haqda 13 yanvar tarixində Baku.ws xəbər verib
Nizami metrosunun yanında dilənçiliklə məşğul olan 11 yaşlı uşaq psixi xəstəlikdən əziyyət çəkir. O, hər gün 10 manat topladıqdan sonra "patı" alaraq istifadə edir.
“Paytaxtda dövlət müəssisəsi və sığınacaqlara yerləşdirilməsinə baxmayaraq, dəfələrlə qaçan 11 yaşlı uşaq psixi xəstəyə çevrilib. Yeniyetmə tez bir zamanda ruhi-əsəb xəstəxanasına yerləşdirilməlidir”, - Azərbaycan Uşaqlar Birliyinin sədri Kəmalə Ağazadə deyib.
Uşağın ailəsi Bərdədə yaşayır. Ailə üzvləri 5 nəfərdən ibarətdir. Heç birinin qeydiyyatı yoxdur. Hazırda uşağın sənədləri hazırlanır.
