Novruz bayramı ilə əlaqədar elan olunan tətil günlərində Abşeron Milli Parkında "Kamp Əyləncəsi" adlı bir gün keçirilib. Bu barədə BakuPlus.az bu gün, 25 mart tarixində məlumat verir.
Milli Parkı ziyarət edən turistlərin, dəvətli qonaqların qatıldığı əyləncədə Zuğulba FM komandası iştirak edib.
Komandanın təşkilatçılığı, ziyarətçilərin iştirakı ilə canlı gitara musiqisi ifa olunaraq ocaq ətrafında maraqlı söhbətlərlə əsl kamp həyəcanı yaşanıb. Bununla yanaşı, ziyarətçilər gün batımını da izləyiblər.
Tədbir zamanı keçirilən viktorinanın qaliblərinə hədiyyələr təqdim olunub.
Ziyarətçilərə açıq havada yaddaqalan və əyləncəli istirahət yaşatmaq məqsədilə növbəti kamp əyləncəsinin may ayında təşkil olunması planlaşdırılır.
