Bakıda yaşlı insanları aldadan dələduz barəsində həbs qətimkan tədbiri seçilib. Bu haqda bu gün, 7 avqust tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
30 yaşlı Vüsal Əmrahov dələduzluqda təqsirli bilinərək hüquq-mühafizə orqanları tərəfindən saxlanılıb.
Əmrahov müsəlmanların müqəddəs məhərrəm ayında imkansız insanlara yardım ediləcəyi adı ilə vətəndaşlardan pul yığıb, əvizində saxta əsginaslar verib.
Faktla bağlı Yasamal Rayon Polis İdarəsində Azərbaycan Respublikası Cinayət Məcəlləsinin müvafiq maddəsi ilə cinayət işi başlanıb. Əmrahov barəsində məhkəmənin qərarı ilə həbs qətimkan tədbiri seçilib.
Daxili İşlər Nazirliyi Əmrahovun əməlindən zərər çəkmiş vətəndaşları ərazi polis şöbələrinə müraciət etməyə çağırıb.
