Bakının Səbail rayonundakı yeraltı piyada keçidlərindən birində xoşagəlməz vəziyyət yaranıb.
“Qafqazinfo”ya müraciət edən vətəndaş Su İdman Sarayının qarşısındakı keçidin tavanından artıq iki həftədir su damdığını bildirib.
Vətəndaş qeyd edib ki, qablar qoyulsa da, su ətrafa yayılır və keçidin sürüşkən olması insanların, xüsusilə uşaqların və yaşlıların hərəkətini təhlükəyə atır.
Məsələ ilə əlaqədar Avtomobil Yolları Dövlət Agentliyindən (AAYDA) cavab almaq mümkün olmadı.
İri Şəhərlərin Birləşmiş Su Təchizatı Xidməti suyun damması ilə bağlı məsuliyyət daşımadığını və bunun ətraf ərazilərin normadan artıq sulanması ilə əlaqəli olduğunu bildirdi. Ərazilərdə yaşıllıqların sulanması işləri Xidmətin fəaliyyət sferasına aid deyil.
