Qərbi Kaspi Universiteti AppliedHE Ranking-in Cənub-Şərqi Asiya Ölkələri Assosiasiyası universitetlərinin növbəti reytinqində 9-cu pillədə qərarlaşıb. Bu haqda məlumatı Bakuplus.az bu gün, 24 fevral tarixində verir.
Təşkilat qiymətləndirmədə təhsilin keyfiyyəti, məzunların məşğulluğu statistikası, elmi tədqiqat, beynəlmiləlləşmə, institusional reputasiya, xarici tələbələrin sayı, tələbə məmnuniyyəti göstəricilərinə istinad edib.
Özəl Universitetlər nominasiyası üzrə Qərbi Kaspi Universiteti 24 universitet arasında 9-cu yer alıb. Təhsilin keyfiyyəti göstəricisinə görə isə qiymətləndirilməsi aparılan universitetlər arasında Qərbi Kaspi Universiteti 37.73 balla 1-ci yerə layiq görülüb.
Qeyd edək ki AppliedHE reytinq təşkilatının baş ofisi Sinqapurda yerləşir və müxtəlif kateqoriyalar üzrə ali təhsil müəssisələrinin reytinqini tərtib edir.
