Baş Dövlət Yol Polisi İdarəsi qayda pozuntularına qarşı mübarizəsində yenilik edib. Bu haqda bu gün, 14 iyul tarixində Bakuplus.az Unikal.az-a istinadən məlumat verir.
Artıq vətəndaşlar yolda rastlaşdıqları qayda pozuntuları ilə bağlı qurumun yaratdığı WhatsApp nömrəsinə foto və ya video göndərə bilərlər.
“Sosial şəbəkələrdə sizdən gələn çoxsaylı müraciətlər nəzərə alınaraq, tərəfimizdən yeni WhatsApp nömrəsi yaradıldı. Artıq Siz də yollarda qarşılaşdığınız və qeydə aldığınız yol hərəkəti qayda pozuntularına dair video və fotogörüntüləri bu nömrəyə göndərə bilər, yollarda ictimai nəzarətin həyata keçirilməsində iştirak edə bilərsiniz.
Məqsəd yollarda təhlükəsizliyin təmin edilməsi, qəzaların qarşısının alınması və sürücü intizamının yüksəldilməsidir.
Xahiş edirik, nəzərə alasınız ki, WhatsApp nömrəsi yalnız foto və video göndərilməsi üçün nəzərdə tutulub.
WhatsApp nömrəsi - 050-800-09-02”, – DYP-nin açıqlamasında bildirilir.
[caption id="attachment_106311" align="alignnone" width="640"]
Foto Unikal.az[/caption]
