Bakının Heydər Əliyev Sarayında 24 avqust tarixində “Koreya Serialları Dünyası” adlı simfonik konsert keçiriləcək. Bu haqda bu gün, 27 iyul tarixində Bakuplus.az məlumat verir.
Konsert proqramı Qazaxıstanın məşhur müasir musiqiçiləri - “BN TEAM” simfonik orkestri tərəfindən ifa olunacaq.
Proqram “BN TEAM”-in müəllif üslubunda səhnəyə qoyulacaq: nömrələr simfonik orkestr, xor, solistlərin müşayiəti ilə və böyük ekranda bütün serialların film adaptasiyası ilə təqdim olunacaq. “BN Team” son bir il ərzində bütün Qazaxıstanda, eləcə də Bakı, Daşkənd və Bişkək kimi dünya paytaxtlarında 130-dan çox konsert verib.
