Binəqədi rayonu, Rəsulzadə qəsəbəsi, Zahid Qəmbərov küçəsində yerləşən binanın sakinləri liftdən şikayət edirlər. Bu haqda bu gün, 15 mart tarixində Bakuplus.az ATV-yə istinadən xəbər verir.
Doqquzmərtəbəli binanın liftinin köhnə olduğu, bu səbəbdən də təhlükə saçdığı bildirilir.
“1987-ci ildən bu bina istifadəyə verilib. O vaxtdan bu günə qədər lift yenilənmir. 4-5-ci mərtəbələrə qalxmaq üçün 7-ci mərtəbəyə qalxmalıyıq. Düşmək bir yana, amma qalxmaq lap çətindir”, – deyə sakinlər şikayət edirlər.
Bakı şəhər Lift Təmir İstehsalat Birliyindən deyildi ki, gələcəkdə yeni liftlərin gətirilməsi və quraşdırılması nəzərdə tutulur. İstismar müddəti keçmiş, 25 ildən artıq işləyən liftlər qrafikə uyğun olaraq dəyişdiriləcək.
