Sabunçu rayonu, Ramana qəsəbəsində yollar keçilməz haldadır. Bu haqda BakuPlus.az Real Tv-ə istinadən bu gün, 25 iyun tarixində xəbər verir.
Qəsəbənin “Südçülük sovxozu”ndakı bəzi yollar hələ də daşlı-kəsəkli qalmaqdadır. Yollardan əlavə sakinlərin yaşadıqları ünvanın adını bilməmələri və kanalizasiya sisteminin olmaması problemləri birə-beş artırır.
Sakinlərin sözlərinə əsasən, qış aylarında yolların daha da bərbad hala düşməsindən şikayətlənib.
Məhəllə sakinləri onu da qeyd ediblər ki, kanalizasiya əvəzinə istifadə edilən şamboların hər ay boşaldılmasına əlavə pul vermələri onlara maddi tərəfdən çətinlik yaradır. İmkanı həmin şamboları boşaltdırmağa çatmayan sakinlərin kanalizasiyaları daşdıqdan sonra vəziyyət hər kəs üçün acınacaqlı olur.
“Azərsu” ASC-nin mətbuat xidmətinin rəhbəri Anar Cəbrayıllı bildirib ki, gələcəkdə həmin ərazidə mərkəzləmiş kanalizasiya infrastrukturunun yaradılması, daşıyıcı kollektorların tiklməsi və burada formalaşan tullantı suların təmizləyici qurğulara yönəldilib təmizlənərək kənarlaşdırılması planlaşdırılır.
Bundan əlavə araşdırma zamanı məlum olub ki, sakinlərin yaşadığı və şikayətləndiyi ərazinin rəsmi adı Hüseyn Cavid küçəsi, Dalan 2-dir.
[caption id="attachment_49945" align="alignnone" width="800"] Foto Real TV-nin rəsmi Youtube kanalı[/caption]
