İyunun 2-də Respublika Velotrekində ictimaiyyətə açıq yoqa dərsi keçiriləcək. Bu haqda bu gün, 30 may tarixində Bakuplus.az məlumat verir.
Tədbir Beynəlxalq Yoqa Gününə həsr olunub və Hindistanın Azərbaycandakı səfirliyinin təşkilatçılığı, Klassik Yoqa Məktəbi və Azərbaycan Velosiped Federasiyasının (AVF) dəstəyi ilə baş tutacaq. Kütləvi idman tədbiri saat 08:00-da başlayacaq.
Açıq dərsə Klassik Yoqa Məktəbinin müəllimi, tanınmış yoqa mütəxəssisi Elçin Quliyev rəhbərlik edəcək.
Dərsdən sonra bədii hissə başlayacaq və qonaqlara vegetarian yeməklər təqdim ediləcək.
BMT Baş Assambleyasının 2014-cü ildə yekdilliklə qəbul etdiyi qərarla iyunun 21-i Beynəlxalq Yoqa Günü elan edilib.
Dərsə giriş sərbəstdir.
