Novruz bayramı günlərində Bakının tarixi İçərişəhərində Bayram qalası tədbirləri keçiriləcək. Bu haqda bu gün, 16 mart tarixində “İçərişəhər” Dövlət Tarix-Memarlıq Qoruğu İdarəsinə istinadən Bakuplus.az məlumat verir.
Tədbirlər martın 19-da saat 13:00-da Qoşa Qala meydanında konsert proqramı ilə başlayacaq. “Bayram qalası” günləri martın 26-dək saat 12:00-dan 22:00-dək davam edəcək.
Bu günlərdə qurama, rəssamlıq, nano-art, keramika üzrə əl işləri nümayiş etdiriləcək, ustad dərsləri və yarmarkalar keçiriləcək. Tədbirlərdə milli mətbəximizdən nümunələr və milli kinomuzun incilərindən səhnələr də nümayiş etdiriləcək.
