Paytaxtın Səbail rayonu, Badamdar qəsəbəsində yerləşən yataqxana binası qəzalı vəziyyətdədir. Bu haqda bu gün, 14 noyabr tarixində Bakuplus.az Xəzər Xəbərə istinadən məlumat verir.
99 mənzilli yataqxanada çatlar əmələ gəlib, dam örtüyü isə hər an uça bilər. Binanın özü isə baxımsız və bərbad vəziyyətdədir.
“Yağış yağan kimi beton tavanlar ovulur, su evin içinə dolur. Dövlət qurumlarından hər gün gəlirlər, şəkil çəkib çıxıb gedirlər. Heç kim məsələni həll etmir”, - deyə sakinləri söyləyiblər.
Yataqxana 144 saylı Mənzil-kommunal istismar sahəsinin balansındadır və həmi qurumdan bildirildi ki, binanın qəzalı olması ilə bağlı bir qərar yoxdur. Ancaq tikilinin əsaslı təmiri nəzərdə tutulub.
