Bakının Səbail rayonu, Zərifə Əliyeva küçəsində yolun təmiri tıxaca səbəb olur. Bu haqda bu gün, 16 avqust tarixində Bakuplus.az Xəzərxəbər-ə istinadən məlumat verir.
Şəhərin mərkəzi küçəsi sayılan ərazidə gün ərzində avtomobil sıxlığı müşahidə olunur. Buna səbəb küçədə uzun zamandır təmir işlərinin aparılmasıdır. Bu da buradan keçən sürücülərin ciddi narahatlığına səbəb olur.
“Buradan bir dənə Təcili Yardım keçmək istəsə, ilişib qalacaq. Bəs onun içindəki ölsə, ona kim cavabdeh olacaq?!” – deyə sürücülər irad bildirirlər.
Bakı Şəhəri İcra Hakimiyyətindən məsələ ilə bağlı verilən məlumata görə, təmir işləri 20 avqust tarixinə qədər bitəcək.
