Paytaxtın Sabunçu rayonu, Bakıxanov qəsəbəsi, Sülh küçəsində təmir-bərpa işləri yekunlaşır. Bu haqda bu gün, 11 aprel tarixində Bakuplus.az Avtomobil Yolları Dövlət Agentliyinə istinadən xəbər verir.
Uzunluğu 590 metr olan, 11 min kv.m-dən çox sahəni əhatə edən əraziyə 2 laydan ibarət yeni asfalt-beton örtüyü vurulub, piyada səkiləri yaradılıb. Eləcə də yağış-kanalizasiya sistemi bərpa olunub.
Bundan əlavə, parkinq yerləri təşkil ediləcək və yeraltı kommunikasiya xətləri təmir olunacaq.
Azərbaycan Avtomobil Yolları Dövlət Agentliyi tərəfindən ümumi uzunluğu 5.8 km təşkil edən 6 küçədə təmir işlərinə start verilib.
[URIS id=40158]
