Südçülük sovxozu adlanan ərazidə sakinlər avtobusla bağlı problem yaşayırlar. Bu haqda 26 aprel tarixində Bakuplus.az ATV-yə istinadən xəbər verir.
Koroğlu metro stansiyasından Ramana qəsəbəsi, Südçülük sovxozu adlanan əraziyə hərəkət edən 163 saylı avtobus şəhid ailələri və qazilər üçün salınan şəhərciyə 500 metr qalmış geri qayıdır
“Sərnişinlər deyir ki, sür ora, bizim isə icazəmiz yoxdur. Agentlik gedir ora, şəklimi çəkir, 100 manat cərimə edir”, - deyə avtobusun sürücüsü bildirib.
Faktla bağlı BNA-nın mətbuat katibi Mais Ağayev bildirib ki, hazırda qeyd olunan yaşayış kompleksini Koroğlu Nəqliyyat Mübadilə Mərkəzi ilə əlaqələndirən 162 nömrəli xətt fəaliyyət göstərir. 163 nömrəli avtobus xəttinin hərəkət sxeminin dəyişdirilməsi məsələsinə isə baxılacaq. Ərazidə təkrar təhlillər aparılacaq.
