Paytaxtın Sabunçu rayonu, Sabunçu qəsəbəsi, Elşən Mehdiyev küçəsində məcburi köçkünlər yağış sularından əziyyət çəkirlər. Bu haqda bu gün, 10 may tarixində Xəzər Xəbər-ə istinadən məlumat verir.
Son günlər yağan yağışlar zamanı ərazidə yerləşən ikimərtəbəli binanın damından su sızaraq evlərə dolmağa başlayıb.
Sakinlər dam örtüyünün bir neçə ay əvvəl dövlət tərəfindən quraşdırıldığını bildirirlər, ancaq bu da problemi həll etməyib.
“Yayda vuruldu, bir ay tamam olmamış dəmirlər külək əsən kimi qırılıb töküldü yerə”, - deyə onlar qeyd ediblər.
Dövlət qurumları məsələdən xəbərdar olduqlarını və artıq müvafiq addımların atıldığını bildiriblər.
