Paytaxtın Sabunçu rayonu, Zabrat 1 qəsəbəsində yeni salınan yaşayış massivinin sakinləri şikayət edirlər. Bu haqda bu gün, 5 may tarixində Bakuplus.az Real TV-yə istinadən xəbər verir.
Ərazidə yol infrastrukturu yoxdur, sakinlər qışda palçıq, yayda isə kanalizasiya suyu axıdılmış yollar ilə hərəkət etməyə məcburdur.
“Taksi, Təcili Tibbi Yardım gəlmir. Hamam işlədə bilmirik, paltaryuyan maşın istifadə edə bilmirik. Bütün pulumuz kanalizasiya boşaltmağa gedir”, - deyə sakinlər söyləyir.
Bundan əlavə, məhəllədə işıqlandırma olmadığından, axşamlar hərəkət etmək də qorxuludur.
Rəsmi qurumlar məsələdən xəbərdar olduqlarını və sözügedən ərazidə problemlərin həll olunmasının nəzərdə tutulduğunu bildiriblər.
[caption id="attachment_43245" align="alignnone" width="800"]
Foto Real TV-nin rəsmi Youtube kanalı[/caption]
