Paytaxtın Sabunçu rayonu, Zabrat qəsəbəsi, Əmir Bağırov küçəsi 28 ünvanındakı yollar sakinləri narahat edir. Bu haqda bu gün, 7 may tarixində Bakuplus.az Real TV-yə istinadən xəbər verir.
Sözügedən ərazidə yollar 30 ildir təmir olunmur. Küçələr yağışda palçıqlı, isti havada isə tozlu olur.
“Məktəbə gedən zaman təmiz paltar ilə evdən çıxırıq, çirkli paltar ilə evə qayıdırıq. Qocalarımız kələ-kötür yollarda gəzə bilmir”, - deyə sakinlərdən biri şikayət edir.
Aidiyyəti qurumlar məsələ ilə bağlı rəsmi müraciət olunmadığını bildiriblər. Müraciətdən sonra vətəndaşlara cavab veriləcək.
