Sabunçuda qonşunun yaratdığı göl sakinlərin həyətini bərbad hala salıb. Bu haqda 9 iyun tarixində Oxu.az məlumat verib.
Pirşağı bağları adlanan ərazidə, Hüseynbala Əliyev küçəsi 33B ünvanında yaşayan şəxs həyətində göl yaradıb. Qonşular deyirlər ki, üfunət qoxusundan və natəmizlikdən boğaza yığılıblar. Onlar bildirirlər ki, həyətə qurbağalar, milçəklər dolub.
Bununla bağlı dəfələrlə qonşu ilə danışılıb, hətta aidiyyəti üzrə İcra Hakimiyyətinə, bələdiyyəyə də müraciət edilib. Lakin müraciətlər cavabsız qalıb.
