Uzun illərdir inşası yekunlaşmayan metro stansiyası sakinləri narahat edir. Bu haqda bu gün, 29 iyun tarixində Bakuplus.az ATV-yə istinadən xəbər verir.
Metronun “Həzi Aslanov-2” stansiyasının tikintisi 10 il bundan əvvəl başlayıb. Ərazi hasarlandı, hərəkət çətinləşdi, obyektlərin qarşısı bağlandı. Ancaq bir müddət sonra tikinti dayandı, ərazi isə necə bağlı qalmışdırsa, elə də qaldı.
“Nəvəm 1-ci sinfə gedəndə tikinti başlamışdı. İndi 11-ci sinfi bitirib. Vəziyyət hələ də belədir”, - deyə sakinlərdən biri şikayət edib.
Sahibkarlar isə uzun illərdir obyektlərinin bərbad vəziyyətdə qaldıqlarını bildirirlər.
Metropoliten məsələyə aydınlıq gətirməkdən imtina edib.
