“Salaam Cinema”da psixoloji travmalar mövzusunda tədbir keçiriləcək. Bu haqda bu gün, 25 iyul tarixində Bakuplus.az icmaya istinadən məlumat verir.
Tədbir çərçivəsində “Kollektiv travmalar və Azərbaycanlı kimliyində onların təzahürü” mövzusunda mühazirə, “Artıq sənsiz deyiləm” adlı sənədli film və həmin filmin müzakirəsi aparılacaq.
Mühazirə mövzusuna daxildir: “Kollektiv və nəsildən-nəslə ötürülən travmalar nədir?”, “Öncəki nəsillərin hansı travmaları bizə ötürülmüş ola bilər?”.
Mühazirə “Indie Peace” təşkilatı və Avropa İttifaqının dəstəyi ilə həyata keçirilir.
Görüş 26 iyul saat 19:30-da Süleyman Rüstəm, 10 ünvanında baş tutacaq.
