Yayın son həftəsonu, 26 və 27 avqust tarixlərində Nardarandakı “Sea Breeze” istirahət kompleksində heyvanlara kömək üçün “Bizim Evimiz” xeyriyyə festivalı keçiriləcək. Bu haqda bu gün, 2 avqust tarixində Bakuplus.az məlumat verir.
Festival saat 17:00-dan 22:00-a kimi “Tochka&Box City” zonasında təşkil olunacaq. Orada əl işi əşyalarının satışı, musiqili proqram, master-klaslar, sahibsiz heyvanların himayəsi və digər əyləncəli tədbirlər nəzərdə tutulub.
Festival “Handicraft Baku” mağazası və “Pet Care Baku” xeyriyyə təşkilatı tərəfindən həyata keçirilir. Giriş sərbəstdir.
[caption id="attachment_108206" align="alignnone" width="640"]
Foto açıq mənbədən[/caption]
