AMEA nəzdində Respublika Seysmoloji Xidmət Mərkəzinin baş direktoru Qurban Yetirmişli Bakı Dövlət Universitetində Azərbaycanın müasir seysmodinamik şəraiti haqqında danışarkən deyib.
Yetirmişli qeyd edib ki, qırılma ocaqları Bakıya yox, daha çox Xəzər dənizinə düşür. O, həmçinin qeyd edib ki, 2021-ci il ərzində ölkədə və ona bitişik ərazilərdə 7000-dən çox, keçən il ərzində isə 3000-ə yaxın yeraltı təkanlar qeydə alınıb.
Seysmik Xidmətin rəhbəri onu da bildirdi ki, palçıq vulkanlarının püskürməsinin zəlzələlərlə qarşılıqlı əlaqəsi mövcuddur. Onun sözlərinə görə, bununla bağlı tədqiqatlar da aparılıb.
"Belə ərazilərin yaxınlığında yaşayış məntəqələri çox tikilir. Bununla bağlı hər dəfə xəbərdarlıq etmişik. Bir gün palçıq vulkanı elə güclü partlaya bilər ki, həmin yaşayış məntəqələri bütövlükdə palçıq altında qala bilər", - Yetirmişli əlavə edib.
