Paytaxtın Binə qəsəbəsinin sakinləri havaların kəskin soyuması nəticəsində təbii qazla təminatda problemlər yaşayırlar. Bu haqda bu gün, 9 noyabr tarixində Bakuplus.az Xəzər Xəbər-ə istinadən məlumat verir.
Əliağa Vahid, 79A ünvanında yaşayan sakinlər deyirlər ki, hava bir az soyuyan kimi qazın təzyiqi dərhal aşağı düşür. Əhalini narahat edən qışın gəlişi ilə belə bir problemin yaranmasıdır.
Bakı Regional Qaz İstismarı İdarəsinin rəisi Rauf Əhmədov bildirib ki, hazırda ərazidə tənzimləmə işləri aparılır.
Rauf Əhmədov qeyd edib ki, mavi yanacağın təzyiqinin aşağı olması şəbəkədə xırda problemlərlə bağlıdır. Hər hansı bir sahədə problem aşkar edilərsə, dərhal müdaxilə edilir və aradan qaldırılması üçün müvafiq tədbirlər görülür.
