Abşeron Milli Parkında Heydər Əliyevin 100 illik yubileyinə həsr olunan "İstehsal et, təbiətə zərər vermə!" devizi ilə mikro və kiçik sahibkarların sərgi-satış yarmarkası keçiriləcək. Yarmarka 28-30 aprel tarixlərində baş tutacaq. Bu haqda bu gün, 17 aprel tarixində Bakuplus.az məlumat verir.
Yarmarkada 20-yə yaxın sahibkarın 100 çeşiddə məhsulu təqdim olunacaq. Eyni zamanda tədbirdə at və fayton gəzintisi, Şahdili turu, ustad dərsləri və digər əyləncəli proqramlar təşkil ediləcək.
Tədbir saat 11:00-dan 17:00-dək davam edəcək.
Elanda qeyd edilir ki, hər həftənin şənbə və bazar günləri Abşeron Milli Parkına "Koroğlu metrosu-Abşeron Milli Parkı" marşrut xətti üzrə avtobus (saat 10:30 çıxış, 16:30 qayıdış) fəaliyyət göstərir. Xidmət haqqı 15 manatdır. Qiymətə avtobusla gediş-gəliş və parka bilet daxildir.
