Bakıda taksi fəaliyyəti ilə məşğul olan sürücü müştərilərindən öz şikayətini bildirib. Bu haqda bu gün, 2 iyun tarixində Bakuplus.az sosial şəbəkələrə istinadən məlumat verir.
Sərnişinlərin taksi sürücülərindən şikayətlənməsinə öyrəşmişik, lakin sürücülərin öz problemləri çox az eşidilir. Belə ki, taksi sürücülərindən biri daşıma biznesinin əks tərəfini göstərmək qərarına gəlib:
“Şikayətim taksi müştərilərindəndir. Əziz bəylər və xanımlar, yazıb sizdən ilk öncə xahiş edirəm, sonra isə tələb edirəm ki, taksi sifariş verirsiz, o gələnə qədər bütün işlərinizi görüb bitirin və siqaretinizi də minməmişdən öncə çəkin.
İndi “Nərimanov”da bir xanım sifariş verib, yaxınlaşdım, əyləşdi xanım. Baxıram ki, gedəcəyi yer 430 metr yazılıb. Deyirəm, düz vurmusunuz ünvanı?
Deyir: “Hə, prosta siqaret çəkmək istəyirdim yer tapmadım, dedim, taksi çağırım”. Bu nə deməkdir? “Kurilka” çağırırsınız? Belə hərəkətləri birbaşa özümə hörmətsizlik bilirəm mən.
Dedim: “Sizə kim dedi ki, mənim maşınımda siqaret çəkə bilərsiz?!” Hələ düşüb qapını da çırpır - elə bil atasının darvazasıdır”.
Müəllifin sözləri olduğu kimi təqdim olunub.
