Azərbaycan Dövlət İqtisad Universitetinin (UNEC) rektoru Ədalət Muradov abituriyentlərin valideynləri ilə “Açıq qapı” tədbirində görüşəcək. Bu haqda o, bu gün, 10 iyul tarixində öz Facebook səhifəsində yazıb.
“Əziz valideynlər,
Övladınızın tələbə adını qazanması üçün onlarla birlikdə uzun yol qət edərək, böyük əmək sərf etdiniz. Onlara gələcək karyerasının başlanğıc nöqtəsi olacaq və yeni-yeni uğurlar qazandıracaq universitet seçimində yardım etmək məqsədilə sizi “Açıq qapı”da mənimlə görüşə dəvət edirəm. Görüş zamanı UNEC-lə bağlı sizi maraqlandıran bütün suallara cavab tapa biləcəksiniz.
“Açıq qapı” 14 iyul saat 15:00-da əsas tədris binasında (Bakı ş., İstiqlaliyyət, 6) olacaq.
Hər birinizə və övladlarınıza uğurlar arzulayıram!”
Tədbirdə iştirak etmək istəyən valideynlər şəxsiyyət vəsiqələrini də özləri ilə götürməlidirlər.
