“Natəvan artıq reanimasiyadan çıxıb və palataya köçürülüb”. Bu barədə Yenicag.az-a son bir neçə ildə xərçənglə mübarizə aparan Natəvan Babayevanın bacısı məlumat verib.
O, müayinənin davam etdiriləcəyini də açıqlayıb: “Natəvan artıq reanimasiyadan çıxıb, palataya yerləşdirilib. Hazırda vəziyyəti normaldır. Bacım onkoloji xəstəliklə mübarizə aparır. Süd vəzisində başlanan xəstəlik artıq ağırlaşıb, digər orqanlara yayılıb. Hələ dəqiq proqnoz verilmir. Türkiyəyə gedəcəyimizlə bağlı bir söz deyə bilmərəm. Çünki müayinə, konsilium olacaq. Bundan sonra dəqiq bir söz deyə bilərik”.
Ötən gün, 6 iyul tarixində son bir neçə ildir xərçənglə mübarizə aparan AzTV-nin xəbər aparıcısının müalicə üçün Türkiyəyə gedərkən Bakıda hava limanında halı pisləşib.
