Paytaxtın Xətai rayonu, Gəncə prospekti, 29/35 və 29/35A ünvanlarında tikinti şirkəti sakinlər üçün təhlükə yaradır. Bu haqda bu gün, 11 oktyabr tarixində Bakuplus.az Real TV-yə istinadən xəbər verir.
Sakinlərin sözlərinə görə, tikinti seysmik ərazidə aparıldığından ətrafdakı binalar sürüşmə təhlükəsi ilə üzləşirlər.
“2 il öncə FHN burada müayinə aparıb. Müəyyənləşdiriblər ki, sahədə sürüşkənlik var. İndi gəlib bina tikirlər, nə qədər fundament qazacaqlar”, - deyə sakinlərdən biri şikayət edir.
Bunda əlavə, binaları avtomobil yolu ilə əlaqələndirən yolun bir hissəsi də tikinti şirkəti tərəfindən bağlanıb. Nəqliyyat vasitələri məhləyə daxil olmaq üçün bir zolaqdan hər istiqamət üzrə istifadə etməyə məcbur olurlar.
Məsələ ilə bağlı rayon İcra Hakimiyyətindən bildirildi ki, tikinti işlərini aparan “Yaqub-A” MMC şirkətinin inşaat üçün bütün müvafiq sənədləri mövcuddur və tikintiyə icazə verilib. FHN isə təhlükəsizlik məsələləri ilə bağlı sənədlərin olmadığını vurğuladı və tikinti müvəqqəti dayandırıldı.Daha öncə, 9 sentyabr tarixində sakinlər sözügedən tikinti barəsində şikayət etmişdirlər. Həmin vaxt inşaat işləri dayandırılmış və araşdırmaya başlanılmışdır.
[caption id="attachment_74180" align="alignnone" width="640"]
Foto Real TV-nin rəsmi Youtube kanalı[/caption]
