Bakıda “ABAD həyət” layihəsi çərçivəsində növbəti həyət sakinlərin istifadəsinə verilib. Bu haqda bu gün, 28 dekabr tarixində Bakuplus.az Report-a istinadən xəbər verir.
Həyət paytaxtın Xətai rayonu, 8 noyabr prospekti, Cavanşir və Xaliq Əzizzadə küçələrini əhatə edən 8 hektar ərazidə yerləşir. Məhəllə 10 çoxmərtəbəli binada yaşayan 3145 sakin üçün nəzərdə tutulub.
Layihə çərçivəsində 2 minifutbol stadionu, 2 şahmat meydançası, eləcə də idman və uşaq meydançaları salınıb, söhbətgahlar və oturacaqlar quraşdırılıb. Həmçinin binaların fasad və blokları tam təmir olunub, asfalt və dam örtüyü yenilənib.
Məhəllə ərazisində 2650 ədəd müxtəlif cinsli ağac və kollar əkilib, 4000 kv.m əraziyə yaşıllıq zolaqları salınıb. Həyətdə yeni işıqlandırma sistemi və müşahidə kameraları quraşdırılıb.
Həyətin açılışında və kütləvi ağacəkmə aksiyasında “İDEA” İctimai Birliyinin təsisçisi və rəhbəri Leyla Əliyeva da iştirak edib.
[URIS id=84921]
