Xətai rayonunda sakinlər 40 saylı marşrut xəttinin yaşadıqları ərazidən keçməməsinə görə çətinlik çəkirlər. Bu haqda Bakuplus.az bu gün, 23 dekabr tarixində Real TV-yə istinadən məlumat verir.
Bu hal Günəşli qəsəbəsi, İnqilab İsmayılov, 56T ünvanında müşahidə olunur.
“Şəhərin əks istiqamətinə getmək üçün hərəkət edən marşrut xətti üzrə dayanacağa qədər məsafə 500 metrdir. Biz istəyirik ki, 40 nömrəli avtobus buradan keçsin. Ona görə ki, şəhərin hər yerindən keçir. İki dayanacaqlıq yolu piyada getmək məcburiyyətində qalırıq ki, 40 nömrəyə minək, oradan da şəhərə gedək. Bura gəlsə, daha yaxşı olar”, - deyə sakinlər söyləyiblər.
Real TV marşrut xəttinin sakinlərin yaşadıqları əraziyə qədər uzadılması ilə bağlı BNA-ya müraciət edib. Cavab olaraq BNA-nın mətbuat xidmətinin rəhbəri Mais Ağayev bildirdi ki, bu işlər tezliklə həyata keçiriləcək.
[caption id="attachment_84384" align="alignnone" width="640"]
Foto Real TV-nin rəsmi Youtube kanalı[/caption]
