Bakının 2 rayonunda qaz kəsiləcək. Bu haqda bu gün, 6 aprel tarixində Bakuplus.az “Azəriqaz”a istinadən xəbər verir.
Xətai rayonu, R.Əsgərov küçəsi, 39 ünvanında və S. Mehmandarov küçəsi, 94A ünvanında qaz xəttinin yerinin dəyişdirilməsi, həmçinin Binəqədi rayonu, 7-ci mikrorayon, Süleyman Sani Axundov küçəsində yeraltı qaz xəttində aşkar olunmuş qaz sızmasının ləğv olunması səbəbindən qazın verilişi dayandırılacaq.
Məhdudiyyət Xətai rayonunun R.Əsgərov, S.Mehmandarov, Ə.Şıxlinski küçələrini və Binəqədi rayonu, 7-ci mikrorayonun 31 və 26-cı məhəllələrini, “Union Park” yaşayış massivini, Süleyman Sani Axundov küçəsini əhatə edəcək.
