Xəzər Rayon İcra Hakimiyyətinin başçısı Elşən Salahov Qala sakinləri ilə görüşüb. Bu haqda 5 oktyabr tarixində BakuPlus.az RİH-nin mətbuat xidmətinə istinadən xəbər verir.
Görüş Qala qəsəbəsi, Hövsan Südçülük sovxozu ərazisində keçirilib.
Xəzər Rayon İcra Hakimiyyəti başçısının müavinləri, aparatın şöbə müdirləri, rayonda fəaliyyət göstərən xidmət sahələrinin rəhbərləri sakinləri maraqlandıran məsələləri daim diqqət mərkəzində saxladıqlarını bildiriblər.
Rayon sakinlərinin müxtəlif sahələrə dair müraciətləri dinlənilib, onları narahat edən məsələlərlə bağlı verdikləri suallar ətraflı cavablandırılıb.
Müraciət, təklif və şikayətlərin bəziləri rayon icra başçısının göstərişi ilə yerindəcə həll edilib, əlavə araşdırmalara ehtiyacı olan məsələlərlə bağlı aidiyyəti qurumların rəhbərlərinə müvafiq tapşırıqlar verilib və onların həlli nəzarətə götürülüb.
[caption id="attachment_73328" align="alignnone" width="640"]
Foto Xəzər Rayon İcra Hakimiyyətinin rəsmi saytı[/caption]
