Bakının Xəzər rayonu, Buzovna qsəbəsində “Azərsu” ASC əhalinin içməli su təminatının yaxşılaşdırılması məqsədilə yeni layihənin icrasına başlayıb. Bu haqda bu gün, 7 oktyabr tarixində Bakuplus.az məlumat verir.
Hazırda işlər qəsəbənin Nadir Axundov küçəsində həyata keçirilir.
Həmin ərazidə indiyədək mərkəzləşdirilmiş su təchizatı şəbəkəsi mövcud olmayıb. Ərazinin bir hissəsində əhali tərəfindən fərdi qaydada su xətləri çəkilib və həmin xətlər də tikinti normalarına cavab verməyib. Şəbəkə olmayan ərazilərdə isə sakinlər içməli suyu “Bulaq” adlanan yerdən daşıyıblar.
Buzovna qəsəbəsi ilə yanaşı, Binəqədi rayonu, Sabunçu, Zabrat, Mərdəkan və Qala qəsəbələrində layihələrin icrası davam etdirilir. Bu layihələr çərçivəsində həmin qəsəbələrdə yeni mərkəzləşdirilmiş içməli su şəbəkələri yaradılır, abonentlərə ev birləşməsi verilərək sayğaclar quraşdırılır.
[caption id="attachment_73687" align="alignnone" width="640"]
Foto Bakuplus.az[/caption]
