YARAT İncəsənət Mərkəzində Xalq artisti Natiq Şirinovla görüş baş tutacaq. Bu haqda bu gün, 19 avqust tarixində Bakuplus.az incəsənət mərkəzinə istinadən xəbər verir.
“MədəniyyətimİZ” layihəsi çərçivəsində baş tutacaq görüşdə Xalq artisti Natiq Şirinov və onun rəhbərlik etdiyi “Natiq” Ritm Qrupu ilə gənclərin görüşü təşkil ediləcək. Görüşdə sənətkar milli ritmlər mövzusunda çıxış edərək, “Natiq” Ritm Qrupunun milli musiqi mədəniyyətimizin təbliği istiqamətində gördüyü işlərdən söhbət açacaq.
Həmçinin “Azərbaycan peşəkar musiqi mədəniyyətinin dünya ictimaiyyətinə tanıdılması amilləri”, “Müasir gənclik: Milli-mənəvi və tarixi dəyərlərimiz” və “Milli ritm sənəti: dünənimiz, bu günümüz, sabahımız” mövzularında panel müzakirələrin keçirilməsi nəzərdə tutulur.
Görüşdə iştirak etmək istəyən gənclər qeydiyyatdan keçə bilərlər.
