Binəqədi rayonu, Xocəsən qəsəbəsində su sızması problemlərə yol açır. Bu haqda bu gün, 9 may tarixində Bakuplus.az APA-ya istinadən xəbər verir.
Adıçəkilən qəsəbə ərazisində içməli su borularının birində sızma baş verib. Bu səbəbdən küçələri su basıb, ərazi palçıqla dolub. Sakinlərin sözlərinə görə, məsələ belə davam etsə, qəsəbədə bəzi küçələri su basacaq.
“2 maşın daş yığıb gətirib tökmüşəm bura. Nə maşın gedib gələ bilir, nə uşaq. Gəldilər yalandan bir az ört-basdır etdilər, amma düzəltmədilər. Bu boru partlasa, şəhər 20 gün susuz qalacaq. Heç kim məsuliyyəti öz üzərinə götürmür”, – deyə sakinlər şikayət edilər.
“Azərsu”dan bildirilib ki, həmin ərazidə mərkəzləşdirilmiş xətt yoxdur. Sızma olan borular sakinlərin fərdi xətləridir.
