Binəqədi rayonu, Xocəsən qəsəbəsi, Aprel Zəfəri küçəsi bərbad vəziyyətdədir. Bu haqda bu gün, 8 mart tarixində Bakuplus.az Space TV-yə istinadən xəbər verir.
Küçənin əsas problemlərindən biri yolların asfaltsız olmasıdır. Bu da qışda palçıq, yayda isə toza səbəb olur. Sakinlər dövlət qurumlarına müraciət etsələr də, hamısı küçənin onların balansında olmadığını deyib. Buna baxmayaraq, ətrafda bir neçə küçə asfaltlanıb.
“Təcili Tibbi Yardım çağırırıq, gəlmir, taksi gələrkən əlavə ödəniş alır, avtobuslar bəlli saatlarda işləyir”, – deyə sakinlər şikayət edirlər.
Digər əsas problem isə mərkəzi küçənin nəzarətsiz olmasıdır. Ərazidə nə kamera, nə də radar olmadığından avtomobillər mərkəzi küçədən sürətlə keçirlər. Bu da ciddi qəzalara yol açır.
Bundan əlavə, küçədə qaz xəttinin olmadığı da qeyd olunub.
Sakinlər yaşadıqları əraziyə diqqət ayrılmasını istəyirlər.
