“YARAT” İncəsənət Mərkəzində ustad dərsi keçiriləcək. Bu haqda bu gün, 10 iyun tarixində Bakuplus.az mərkəzə istinadən xəbər verir.
“Özünü kəşf et” layihəsi çərçivəsində dərslər “Qadın obrazı” mövzusunda olacaq. Tütor heykəltaraş İslam Həsənəlizadə olacaq.
İlk növbədə iştirakçılar rəssamın heykəltaraşlıq texnikası ilə tanış olacaqlar, daha sonra süngərdən qadın obrazı yaradacaqlar və onu pastellə rəngləyəcəklər.
Tədbir 14 iyun saat 19:00-da baş tutacaq. Ünvan: XX-XXI əsrlər Azərbaycan Rəngkarlığı Muzeyi.
Daha bir dərs artist Ramal Kazım tərəfindən aparılacaq. “Çağdaş qadın” mövzusunda keçiriləcək dərsdə iştirakçılar əvvəlcə “Müasir qadın kimdir?” mövzusu ətrafında müzakirə aparacaqlar, daha sonra çağdaş qadın obrazını akvarel kağızı üzərində akril boyalarla təsvir edəcəklər.
Tədbir 21 iyun saat 19:00-da keçiriləcək. Ünvan: XX-XXI əsrlər Azərbaycan Rəngkarlığı Muzeyi.
