“YARAT” İncəsənət Mərkəzi böyüklər üçün "Özünü kəşf et" layihəsinin yeni proqramına başlayır. Bu haqda bu gün, 23 mart tarixində Bakuplus.az mərkəzə istinadən xəbər verir.
“Abstrakt ekspressionizm” adlı ustad dərsində iştirakçılar ekspressionist rəssam Villem de Kuninqin üslubunda işləyərək, akril, fırça və mastixinlə öz abstrakt kompozisiyalarını yaradacaqlar. Tyutor Ramal Kazım olacaq.
Tədbir 29 mart tarixində saat 19:00-da baş tutacaq.
Daha bir dərs “Düşüncələrim ilə baş-başa” mövzusunda keçiriləcək. Burada hər bir iştirakçı kətan üzərində akril boyalarla rəsm çəkməklə öz yaradıcılığını üzə çıxaracaq və bədii təxəyyülünü inkişaf etdirmək imkanı əldə edəcək. Tyutor Müseyib Əmirov olacaq.
Tədbir 5 aprel saat 19:00-da başlayacaq.
Hər 2 dərs XX-XXI əsrlər Azərbaycan Rəngkarlığı Muzeyində keçiriləcək. Qeydiyyat üçün: 050 251 41 15 nömrəsi ilə əlaqə saxlamaq olar. Qeydiyyat vaxtı: çərşənbə axşamı – bazar, 11:00-18:00
