Bakının 3 rayonunda qazın verilişi dayandırılacaq. Bu haqda bu gün, 30 iyul tarixində Bakuplus.az Azəriqaz-a istinadən xəbər verir.
Yasamal rayonu Mikayıl Müşfiq küçəsi ilə Mətbuat prospektinin kəsişməsində yeni çəkilmiş qaz xəttinin mövcud şəbəkəyə qoşulması məqsədi ilə Mətbuat və Hüseyn Cavid prospektləri, Mikayıl Müşfiq, Ələsgər Ələkbərov, İzzət Bağırov, Ayna Sultanova küçələrində 3500 istehlakçının qaz təchizatında fasilə yaranacaq.
Binəqədi rayonunun 8-ci mikrorayon ərazisində Atatürk prospektində siyirtmənin əvəz olunması və Səttar Bəhlulzadə küçəsində siyirtmənin yer səthindən hündürlüyə qaldırılması səbəbindən Atatürk, Ziya Bünyadov prospektləri və Səttar Bəhlulzadə, Naxçıvani küçələrində 3000 istehlakçının qazı kəsiləcək.
Qaradağ rayonunda isə kollektorların yenidən qurulması məqsədi ilə Lökbatan qəsəbəsi, Qobu Park yaşayış kompleksində 20.200 istehlakçının qaz təchizatında fasilə yaranacaq.
Məhdudiyyətlər 31 iyul saat 10:00-dan etibarən qüvvəyə minəcək.
