Yasamal rayonunda avtobus dayanacağından Bakıkart ödəmə terminalı yığışdırılıb. Bu haqda 10 yanvar tarixində Bakuplus.az-a məlumat daxil olub.
İnşaatçılar prospekti 75 ünvanında (Statistikanın yanında) yerləşən dayanacaqdan Bakıkart ödəmə terminalı yerindən götürülüb. Bu isə səhər vaxtlarında dayanacaqdan istifadə edən sərnişinlərə narahatlıq yaradıb.
“Hər gün işə gedirəm və burada olan terminaldan istifadə edirəm. Dünənə kimi terminal işləyirdi, hansı səbəbdən yığışdırılıb, bilmirik. Şəhərin mərkəzidir bura, inanıram ki, yaxın müddətdə dayanacaq terminalla təmin olunacaq”, - sərnişinlərdən biri deyib.
