Paytaxtın Yasamal rayonunda Əbdülvahab Salamzadə küçəsinin yan yolu (Ceyhun Səlimov küçəsindən Tbilisi prospektinə qədər olan istiqamət üzrə) və Bəsti Bağırova küçəsi bağlanacaq. Bu haqda bu gün, 18 fevral tarixində Bakuplus.az Azəravtoyola istinadən xəbər verir.
Təmir işləri ilə əlaqədar hərəkətə qoyulacaq məhdudiyyət Ə.Salamzadə küçəsində 19 fevral saat 09:00-dan axşam saat 21:00-dək, B.Bağırova küçəsində isə 19 fevral səhər saat 09:00-dan 20 fevral saat 20:00-a qədər davam edəcək.
Qurum yarana biləcək müvəqqəti narahatlığa görə vətəndaşlardan üzr istəyib.
