Bakıda yığılıb qalan zibillər xoşagəlməz mənzərə yaradıb. Bu haqda 21 fevral tarixində Bakuplus.az-a məlumat daxil olub.
Yasamal rayonu, Həsənbəy Zərdabi küçəsində yolun kənarında yığılan zibillər küçələrə səpələnib, ağacların üstünə ilişərək oradaca qalıb. Sakinlər deyirlər ki, mağazaların qabağında yığılan zibil vaxtında yığışdırılmır və külək olan kimi havada çirkli polietilen paketlər uçur.
“Küçələrdə qoyulan zibil qutuları arasında məsafə çox olduğundan insanlar əllərindəki zibilləri uzun məsafəyə aparmaq istəməyib, ətrafa atırlar. Bu isə ətraf mühiti çirkləndirir. Bəzən də insanlar tullantıları sadəcə mədəniyyətsizcəsinə yaxınlıqdakı zibil qutularına atmırlar”, - deyə sakinlərdən biri məsələ ilə bağlı öz fikrini bildirib.
[URIS id=34254]
