10 dekabr tarixində Vətən müharibəsinin şəhidləri Taleh Yusifov və İsmayıl Qasımovun anım günü keçirilib. Bu haqda Qafqazinfo.az xəbər verib.
Tədbir zamanı şəhidin ailə üzvləri, yaxınları, ictimaiyyət nümayəndələri, Milli Məclisin deputatları, YAP rayon təşkilatı, Yasamal Rayon İcra Hakimiyyətinin əməkdaşları şəhidlərin II Fəxri xiyabanda məzarını ziyarət ediblər. Şəhidlərin ruhuna dualar oxunub. Vətən müharibəsində şəhidlərin qəhrəmanlığından, vətənpərvərliyindən danışılıb.
Taleh Yusifov oktyabrın 3-də Füzuli döyüşləri zamanı şəhid olub. Azərbaycan Prezidentinin sərəncamı ilə ölümündən sonra “Cəsur döyüşçü” medalı, “Vətən uğrunda” medalı və ”Füzulinin azad olunmasına görə” medalı ilə təltif edilib.
İsmayıl Qasımov 9 oktyabr 2020-ci ildə Füzuli döyüşləri zamanı şəhid olmuşdur. Ölümündən sonra “Cəsur döyüşçü” medalı, “Vətən uğrunda” medalı və ”Füzulinin azad olunmasına görə” medalı ilə təltif olunub.
[caption id="attachment_19603" align="alignnone" width="800"]
Foto Yasamal İH-nin rəsmi saytı[/caption]
