Paytaxtın mərkəzində yol inşa olunub, amma ən vacib elementlərdən biri unudulub. Bu haqda 20 aprel tarixində ARB24 məlumat verib.
Yasamal rayonu, Abbas Mirzə Şərifzadə küçəsində günün bütün saatlarında avtomobillərin sıx hərəkət etdiyi yolda insan əlindən tərpənmək olmur. Ərazidə 2 yerdə yeraltı keçid olsa da, əksəriyyət intensiv hərəkət olduğu yoldan keçir. Xüsusi ilə uşaq arabası ilə yolu keçən valideyinlər təhlükə ilə üzləşirlər.
Yolun bir hissəsindən digər hissəsinə keçmək üçün ərazidə yeraltı keçid olsa da, panduslar yoxdur və azyaşlı uşaqları ilə gəzintiyə çıxan valideynlər əziyyət çəkirlər.
“Metro giriş-çıxışları istisna olmaqla pandus problemi olan bütün yeraltı keçidlərin yenidən qurulması nəzərdə tutulub. Artıq bunun üçün lazımi işlərə start verilib”, - deyə AAYDA bildirib.
O ki qaldı metroların giriş-çıxış keçidlərinə, bu məsələyə cavabdehlik daşıyan Bakı Metropolitenindən bildirildi ki, həmin ərazilərdə pandusların quraşdırılması sovet dönəmindən müasir günümüzədək nəzərdə tutulmayıb. Nəzərdə tutulsa belə, metro stansiyalarının mövcüd quruluşu bu problemin həllinə imkan vermir. Lakin, qurum bu çatışmazlığı aradan qaldırmaq üçün uyğun layihə axtarır.
[URIS id=41391]
