Paytaxtın Yasamal rayonunda 11 küçə əsaslı təmir olunub. Bu haqda bu gün, 14 sentyabr tarixində Azərbaycan Avtomobil Yolları Dövlət Agentliyinin (AAYDA) mətbuat xidməti məlumat yayıb.
Təmir olunan ümumi uzunluğu 4 kilometr təşkil edən küçələr aşağıdakılardır:
- Əsəd Əhmədov küçəsi 308 saylı tam orta məktəb yolu;
- Zülfü Adıgözəlov küçəsi;
- İbrahim Əbilov küçəsi;
- 7-ci Sallaxana küçəsi;
- Məhəmməd Xiyabani 211-204 küçəsi;
- General Həmidov küçəsi;
- Süleyman Tağızadə küçəsi;
- İsmayıl Talıblı 34 küçəsi;
- Məhsul stadionundan Talıblı küçəsi 32-ə qədər olan hissədə.
Yenidənqurma işləri aparılan ərazi boyu suların normal kənarlaşdırılması üçün yağış-kanalizasiya sistemi bərpa olunub. Zəruri yerlərdə yol nişanları və məlumatverici lövhələr quraşdırılıb.
Agentliyin verdiyi məlumata əsasən 2019-2020-ci illər ərzində Yasamal rayonu ərazisində 15 kilometrdən çox uzunluğa malik küçə və yol təmir olunub.
